Lo portal EstatPropi.Cat , que lotja la campanha Somem-nos au Mapa per un Estat Propi, serà present a la VI mòstra d'Entitats daus Païses Catalans ambé l'objectiu de donar a conéisser de primièra man l'iniciativa a totòm qui o desire. EstatPropi.Cat , que partejarà l'espaci ambé l'Ateneu.org lo Malhum de Blogaires Sobeiranistas (Xarxa de Blocaires Sobiranistes, XBS), dispausarà de mantun ordinador connectats a Internet que serviràn per amassar d'adesions pendent tot lo dia. En mai, EstatPropi.Cat tanben serà present en Arenys de Mar e Arenys de Munt   e partejarà l'espaci ambé la XBS, e tanben ambé qualques ordinadors per i amassar mai d'adesions. Los estands en Arenys de Mar e Arenys de Munt dintran dins la pionièra Setmana per un Estat Propi. Ambé motiu d'aquesta, se i celebran fòrça actes, presentacions e conferéncias; coma la dau passat dissabte 8 de setembre, quand Alexis Vizcaino e Xavier Mir presentèron las iniciativas d' EstatPropi.Cat e la XBS respectivament.